VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən


Altı ay əvvəl nişanlanan müğənni Elnar Xəlilov və şairə Aysel Nəcəfli ayrılıb.

BAKU.WS 
xəbər verir ki, bu haqda məlumatı ifaçı şəxsi İnstagram hesabında video paylaşaraq artıq subay olduğunu yazıb.

Elnar Xəlilov bir-birlərini anlamadıqları üçün ayrıldıqlarını yazıb.

Qarşı tərəfin bu paylaşıma cavabı gecikməyib. Şairə Aysel Nəcəfli də bu paylaşımı ilə ayrılıq xəbərini təsdiqləyib: 

“Elnar Xəlilovla yollarımızı ayırdıq. Bu ana kimi barışaq deyən insan, sevdiyini bildirən insan sırf inad üçün video paylaşıb, məni qorxudacağını düşünüb, "sevirəm" dediyi xanım haqda pis danışılmasına şərait yaradırsa, elə doğru qərar verib. Böyüklərim, yaxşı ki, bitdi. Paylaşımdan sonra zəng etmək ki, gördün nə etdin? Saytlar da götürüb paylaşdı. Bunun heç yeri yoxdur! Heç vaxt belə paylaşım etmədim, etməyəcəkdim də. Sən camaata şərait yaratdın ki, sevdiyin xanım pislənsin. İndi isə susuram. Üstümə “sevirəm”lərlə gəlmə, ömürlük bu kitabı bağladım”.



Şairə bu paylaşımından qısa müddət keçdikdən sonra daha bir status yazıb:

"Elnar Xəlilov məni atmayıb, nə də ayrılmaq istəməyib. Ayrılan mən oldum və mən bu ayrılığa məcbur qaldım. Demək ki, sevə-sevə belə ayrılıq ola bilirmiş... Səbəb isə sizin eşitdiyiniz, düşündüyünüz nüans deyil, tam başqadır. Heç kim toyuna 2-3 həftə qalmış səbəbsiz belə addım atmaz. Yekun qərar mənlik deyil, böyüklərimin oldu".


Nəcəfli şəxsi həyatı ilə bağlı danışmaq üçün efirlərdən aldığı dəvətlərə belə münasibət bildirib:

"Mən tanınmış şairə ola bilərəm, amma şou-biznesdə deyiləm. Nə də gündəmdə olmaq üçün nələrsə etməmişəm. Özüm əziyyət çəkib, öz zəhmətimlə qazanıb, öz işlərimi tanıtmışam. Amma efirlərə çıxmıram. Mənə efirlərdən zəng gəlməsin. Mən həyatımı reklam etmirəm. Sadəcə məcbur olub paylaşıma qarşılıq verdim.

Mən o tərbiyəni almamışam ki, kiminsə bostanına daş atam, tərbiyəsizcəsinə söyüşlərlə danışam. Bunun ən gözəl şahidi Elnar Xəlilov olub ki, bir dəfə belə mənim ağzımdan ən əsəbi anımda belə nalayiq sözlər eşitməyib, hörmətsizlik görməyib. Əgər elə olsaydım, məncə heç məni seçməzdi və pis insan olsaydım günü bu gün belə Elnar bəy yenidən bir arada olmağımızı istəməzdi. Və özünün də qeyd etdiyi kimi, danılmaz faktdır ki, yetəri qədər xoş günlərimiz oldu. Bəli sevdik... Amma o sevgiyə görə bunlara ehtiyac yox idi".

Zülfiyyə Qurbanova
BAKU.WS