Türk telekanallarının izlənmə rekordu qıran məşhur serialı "Çukur"un sonuncu bölümündə Türk teatr və kino aktrisası Ayşen Qruda anılıb.

BAKU.WS Türkiyə mətbuatına istinadən xəbər verir ki, serialın 50-ci hissəsində məşhur aktrisa yad edilib. Serialda kadrların birində divarda aktrisanın şəkili çəkilib. Şəkilə isə "Cennete gidecekmiş iki gözümün çiçeği", - deyə şərh verilib.



Qeyd edək ki, yanvarın 23-də türk teatr və kino aktrisası Ayşen Qruda 74 yaşında dünyasını dəyişib. Bir müddətdir reanimasiyada olan aktrisa vəfat edib.

Xatırladaq ki, Ayşen Qruda 22 avqust 1944-cü ildə İstanbulda dünyaya gəlib. "Pomidor gözəli" ləqəbi ilə tanınır. Yeşilçamın bir çox filmində Şener Şen, Kemal Sunal ve İlyas Salman kimi aktyorlarla birlikdə rol alıb.

Cavid Babayev
BAKU.WS