055 213 76 73
Azərbaycanda "Beauty Queen of Azerbaijan” ("Azərbaycanın Gözəllik Kraliçası”) yarışması keçiriləcək.
BAKU.WS xəbər verir ki, yarışın son kastinqi dekabrın 11-dək davam edəcək.
Yarışmanın münsif heyətində Azərbaycanın tanınmış modelyer-dizaynerləri əməkdar incəsənət xadimi Fəxriyyə Xələfova, Mili Geyim Mərkəzinin rəhbəri Gülnarə Xəlilova, Afaq İsmayılzadə, əməkdar artist - Tünzalə Ağayeva, stilist-Nəsir Babayev, Fuad Haciyev, aktyor-aparıcı Şəhriyar Əbilov, rəqqasə- aktrisa- Oksana Rəsulova iştirak edir.
Qatılmış xanımlar arasından cəmi 24 xanım seçiləcək. Seçilmiş 24 xanımdan 12-si yarı final mərhələsində iştirak edəcək. Azərbaycanda ilk dəfə olaraq keçiriləcək tam fərqli gözəllik yarışmasının yarım-final və final mərhələsində Türkiyənin tanınmış modelyerlərinin Tolqa Cam və Serdar Uzuntaş, eləcə də türk estradasının pop ulduzları - Petek Dinçöz, Merve Özbey, Sinan Akçıl və digərlərinin iştirakı gözlənilir.
"Azərbaycanın Gözəllik kraliçası” yarışmasında 1-ci yerin sahibi qızıl tac və pul mükafatı, 2-ci və 3-cü yerin sahibləri pul mükafatına layiq görüləcək.
Bununla yanaşı, Türkiyənin tanınmış model şirkəti ilə müqaviləyə də imza atacaqlar.
Aysel.Ş
BAKU.WS
