“Kurtlar Vadisi”nin aktyoru həyat yoldaşı ilə mübahisə edən müştəriyə bıçaqla hücum etdi - VİDEO

Türkiyənin reytinqli layihələrindən olan “Kurtlar Vadisi” serialının aktyoru Bahadır Ünlü kafedə müştəriyə hücum edib.

BAKU.WS xəbər verir ki, aktyor həyat yoldaşının işlətdiyi restoranda bıçaq götürərək dəstəyi ilə müştərinin başına bir neçə dəfə zərbə endirib. 

Buna səbəb sözügedən müştəri ilə aktyorun həyat yoldaşı arasında yaşanan mübahisə olub. Bir müddət baş verənlər gizli qalıb.

Lakin Bahadır olanları sosial şəbəkə hesabında yayımladıqdan sonra hər şey ifşa olunub. Bundan sonra aktyor hüquq-mühafizə orqanları əməkdaşları tərəfindən saxlanılıb.

Qeyd edək ki, Bahadır Ünlü "Arka sokaklar", "Muhteşem yüzyıl" kimi ekran işlərində də rol alıb.