055 213 76 73
“Bank of Baku” ASC 2021-ci il üzrə Beynəlxalq Maliyyə Hesabatı Standartlarına uyğun hazırlanmış maliyyə hesabatları barədə məlumat dərc edib.
BAKU.WS xəbər verir ki, hesabatlarda bankın mənfəətinin və gəlirlərinin kəskin artması, o cümlədən müştərilərə verilən kreditlərin artması və bank kapitalının böyüməsi ilə bağlı informasiyalar yer alıb. Aşağı faizlə, aylığı az kredit götürmək istəyən vətəndaşlar rahatlıqla bu banka müraciət edərək 30.000 AZN-dək məbləğ əldə edə bilərlər.
Kommersiya bankından istifadə edən müştərilər üçün müəyyən kampaniyalar da təklif edilir. Belə ki, bankın Visa Premium kart sahibləri Airtransfer ilə Heydər Əliyev Beynəlxalq Aeroportuna gediş və gəliş zamanı pulsuz transfer xidməti əldə edə bilirlər. 4 gün əvvəl start verilən kampaniya gələn il fevralın 28-dək davam edəcək.
BAKU.WS “Bank of Baku”nun ötən ilki maliyyə hesabatları ilə bağlı ətraflı məlumatları oxuculara təqdim edir:
MƏNFƏƏTİ KƏSKİN ARTIB
Banker.az “Baker Tilly Azerbaijan” audit şirkətinin rəy verdiyi hesabatlara istinadən xəbər verir ki, “Bank of Baku” 2021-ci ili 33 milyon 284 min manat xalis mənfəət ilə başa vurub. “Bank of Baku” 2020-ci ili 15 milyon 158 min manat xalis mənfəət ilə başa vurmuşdur ki, bu, illik müqayisədə ötən il Bankın xalis mənfəətinin 2.2 dəfə artması deməkdir.
GƏLİRLƏRİ ARTIB
Ötən il “Bank of Baku”nun faiz gəlirləri 18% artaraq 62 milyon 898 min manat, haqq və komissiya gəliri 46.3% artaraq 8 milyon 694 min manat təşkil edib. Bankın faiz xərcləri isə 19 milyon 157 min manat, haqq və komissiya xərci 7 milyon 60 min manat olub. Bank ötən il 9 milyon 291 min manat mənfəət vergisi ödəyib (2020-ci ildə 5 milyon 372 min manat idi).
MÜŞTƏRİLƏRƏ VERİLMİŞ KREDİTLƏR ARTIB, BANK BÖYÜYÜB
2021-ci ildə “Bank of Baku”nun cəmi aktivləri 519 milyon 455 min manat olub ki, bu da əvvəlki ilə nisbətən 24% artımdır. Bunun 369 milyon 185 min manatı müştərilərə verilmiş kreditlərdir. Belə ki, bankın kredit portfeli 49% böyüyüb.
BANKDA MÜŞTƏRİLƏRİN VƏSAİTLƏRİ ARTIB
2021-ci ildə “Bank of Baku”nun depozit portfeli (müştərilərin vəsaitləri) 25.3% artaraq 246 milyon 506 min manata yüksəlib. Bankın cəmi öhdəlikləri isə 402 milyon 185 min manat təşkil edib.
KAPİTALI ARTIB
Bankın ötən il cəmi kapitalı 30.3% artaraq 117 milyon 270 min manat olub. 2020-ci ildə bu göstərici 89 milyon 986 min manat təşkil edib.
Xatırladaq ki, “Bank of Baku” 18 fevral, 2005-ci il tarixində Azarbaycan Respublikasının Mərkəzi Bankı (“ARMB”) tərəfindən verilmiş 247 saylı bank lisenziyası əsasında fəaliyyət göstərir. 31 dekabr 2021-ci il tarixinə Bakıda və Azərbaycan Respublikasının digər şəhərlərində 18 filialı (2020-ci il: 17) və 3 xidmət məntəqəsi (2020-ci il: 3 xidmət məntəqəsi) mövcud olub.
31 dekabr 2021-ci il tarixində “Bank of Baku” ASC-nin səhmdarları “NAB Holding” (35%), Hikmət İsmayılov (31.11), “Azpetrol Neft Şirkəti” MMC (28.89%) və Elçin İsayev (5%) olub.
Qeyd edək ki, hazırda "Bank of Baku" 18 filial şəbəkəsi ilə paytaxt və regionlarda müştərilərə müxtəlif bank xidmətləri təqdim edilir.