Zöhrə Abdullayeva xəstəxanaya yerləşdirilib - FOTO

Səhhəti pisləşən Əməkdar artist Zöhrə Abdullayeva xəstəxanaya aparılıb.

BAKU.WS “axşam.az”a istinadən xəbər verir ki, müğənni "Elgizlə izlə" proqramına açıqlama verib. O bildirib ki, özünü yaxşı hiss etmir:

"Heç nə yemək istəmirəm. Dərman atdıqca iştahım gedir. Yayda mənə bir həkim dərmanlar yazmışdı, onları qəbul etdikcə mədəm yanırdı.

Balamdan sonra bu günlərə qaldım. Görün, özümü nə günə qoydum. Kök hüceyrə köçürmə dedilər, amma yox, revmatizmam var. O, müalicə olunmalıdır.

Həkim dedi ki, çox gecikdirmişəm. Xəstəliyin son həddindəyəm. Məni yeməmək yıxır".