VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən


İctimai Televiziya və Radio Yayımları Şirkəti 8 Mart “Beynəlxalq Qadınlar Günü” münasibəti ilə “Bizim qızlar” adlı təntənəli konsert proqramı təşkil edib.
 

BAKU.WS-in məlumatına görə, Bakı Konqres Mərkəzində reallaşan tədbirin əsas özəlliyi isə auditoriyadakı qonaqların yalnız xanımlardan ibarət olmasıdır. 


İctimai Televiziyanın məşhur kişi aparıcıları Azər Süleymanov, DJ Fateh, Saleh Bağırov, Ceyhun Əli, Kənan Hakimov, Ramiz İdrisoğlu, Ağa Nadirov və Orxan Fikrətoğlu tədbir zamanı bir çox sahədə uğur qazanmış Azərbaycan xanımlarını fəxri diplomla təltif və müxtəlif hədiyyələrlə təbrik ediblər.


Konserti əməkdar artist xanım Turan Manafzadənin dirijorluğu ilə Müslüm Maqomayev adına Azərbaycan Dövlət Filarmoniyasının kamera orkestri müşayiət edib. 


Tədbir zamanı tanınmış kişi ifaçılar Zaur Rzayev, Samir Cəfərov, İlqar Muradov, Ənvər Sadıqov, Anar Şuşalı, Rəşad İlyasov, İlham Nəzərov, Sahib Paşazadə, Aqşin Abdullayev, Samir Piriyev, Vüsal Hacıyev, Murad Arif, Eldar Qasımov, Orxan Cəlilovun ifasında görkəmli bəstəkarlar Üzeyir Hacıbəyli, Fikrət Əmirov, Tofiq Quliyev, Müslüm Maqomayev, Elza İbrahimova, Emin Sabitoğlu, Səid Rüstəmov, Əli Səlimi, Aygün Səmədzadənin mahnıları səslənib. 

Konsert 8 mart tarixində saat 21:35-də İctimai Televiziyanın efirində yayımlanacaq.

BAKU.WS