055 213 76 73
"Bu gün mənim həyatımda ən özəl gündür. Düz 24 il bundan qabaq tanrı mənə dünyanın ən gözəl hədiyyəsini, mələyini göndərdi”.
BAKU.WS xəbər verir ki, bu sözləri müğənni Nadir Qafarzadə həyat yoldaşı haqqında danışarkən bildirib. O, söyləyib ki, 24 il bundan qabaq, mayın 2-də ailə qurub: "Daim tanrının hər verdiyinə şükürlər edirəm. Bəzən həyatdan bezdiyim anlar da olur. Amma o anlarda mənə dayaq, dəstək olan bir tək insan olur. Bu insan illərdir mənim kaprizlərimə dözür. Çünki onu nə qədər çox sevdiyimi, dəyər verdiyimi bilir. Bu gün ailəmdə özəl gündü. 1993-cü il mayın 2-dən etibarən bir-birimizə söz verdik. Birgə addımlamağı, ağrılara, acılara sinə gəlməyi... Allahıma çox şükür edirəm ki, qarşıma Sevinc çıxıb. Hər zaman demişəm, yenə də deyirəm. Onsuz mən bu həyatda yoxam. Mən onunla nəfəs alıram. Mahnımda da deyildiyi kimi ömrüm dadınla dolu, qəlbim odunla dolu, dünya qadınla dolu, sən mənim xanımımsan. İndi bəzi ağzı göyçəklər deyəcək ki, ailəsini reklam edir. Bu, reklam deyil, bu, sevgi hekayəsidir. Dünyanı sənlə sevirəm”.
BAKU.WS