055 213 76 73
BAKU.WS-in məlumatına görə, yazıçının 58-ci yaş günüdür. Azərbaycan detektiv yazıçısı, nasir, publisist, 1989-cu ildən Azərbaycan SSR Yazıçılar İttifaqının, 1991-ci ildən isə Azərbaycan Yazıçılar Birliyinin üzvü, hüquq elmləri doktoru olan Çingiz Abdullayev 2015-ci ildən etibarən "Neftçi" PFK-nın Müşahidə Şurasının sədri kimi də fəaliyyət göstərir.
Çingiz Abdullayev 1959-cu il aprelin 7-də Bakı şəhərində ziyalı ailəsində doğulub.
O, Ədəbi fəaliyyətə tələbəlik dövründən başlayıb. 1983-cü ildən dövri mətbuatda oçerk, məqalə və detektiv janrda yazdığı hekayələrlə müntəzəm çıxış edib. Rus dilində yazıb-yaradan Abdullayev İngilis və italyan dillərində sərbəst danışır. Onun əsərləri xarici dillərdə tərcümə olunaraq Almaniya, İrlandiya, Fransa, Rusiya və s ölkələrdə kütləvi tirajla buraxılıb.
Yazıçının 27 milyon nüsxədə olan 600-dən çox kitabı dünyada yayılıb. Çingiz Abdullayev 194 adda kitabın müəllifidir. Bütün bu kitablar onu siyasi detektiv janrında yazan ən məhsuldar müasir yazıçılardan biri kimi tanıtdırıb.
Çingiz Abdullayev 2009-cu il aprel ayının 7-də Azərbaycanın ədəbi həyatında fəal iştirakına görə "Şöhrət" ordeni ilə təltif edilib. O, 2014-cü ilin noyabr ayından İnterpolun fəxri səfiridir.
Aynur Ələkbərova
BAKU.WS