Bakıda əxlaqsızlıqla məşğul olan qadınların "yuvası” açıq-aşkar reklam olunur. Bakı sakini Cavid Babayev sosial şəbəkələrdə yayılan belə reklamlardan birinin qurbanı olub.

Onun BAKU.WS-ə etdiyi şikayətə görə, bir dəfə gözəl şəkli yayılan xanıma "gözü düşüb". Həmin xanımla əlaqədə olmaq istəyən Cavid Babayev görüş təyin edib."Odnoklassniki.ru” saytı vasitəsilə tanış olduğu Lalə adlı "gözəlçə” Cavid Babayevə Səməd Vurğun bağında görüş təyin edir. Onlar bara girirlər. Qız Caviddən 50 manat alır. Qız sonradan ona şərab almasını istəyir. Bahalı şərabı aldıran qız, tualetə getmək adı ilə aradan çıxır. Cavid Babayev aldandığını anlayır və getmək istədikdə ondan 350 manat ödəmə tələb edirlər. Pulu verə bilməyən Cavid Babayevə zor tətbiq edirlər. 

Əslində belə hadisələr tək Cavid Babayevin deyil, bir çox kişinin başına gələ bilər. BAKU.WS-in məlumatına görə, fahişə qadınlar özlərini sosial şəbəkələr vasitəsilə reklam edərək, intim xidmət göstərməsi barədə məlumatlar yerləşdirirlər.

"Odnoklassniki.ru” və Facebook saytı vasitəsilə fahişə qadınlar xidmət təklif edir və öz müştərilərini görüşə çağırır. Qadınlar seks əvəzində 25, 30, 50 və 100 manat tələb edirlər.

Kişilər həmin qadın profilindəki nömrələrə zəng edir, telefona cavab verən qadınlar onlara zəng edən qurbanlarına görüşmək üçün əsasən "Sahil”, "28 may”, "Gənclik” metrosu yaxınlığına, Karl Marks dairəsinə, Səməd Vurğun bağına, Anadolu restoranına, "Tarqovu” kimi tanıdığımız əraziyə dəvət edir. Sonradan isə fahişələr "qurban”larını tora salırlar.

Əgər belə bir hadisə ilə qarşılaşsanız o zaman mütləq polisə şikayət edin

Ziya Səccad
BAKU.WS