055 213 76 73
Şəmkirdə gecə saatlarında yaşadığı evə od vuraraq həyat yoldaşının, oğlunun, gəlininin və nəvəsinin yanıq xəsarətləri almasına səbəb olan Vəli Vəliyev polis tərəfindən saxlanılıb.
BAKU.WS qafqazinfo-ya istinadən xəbər verir ki, o hadisəni törətdikdən sonra qaçıb gizlənsə də aparılan əməliyyat tədbirləri nəticəsində tutulub.
Məlum olub ki, hadisəyə səbəb ailə münaqişəsi olub. V. Vəliyevin içkiyə meyilli şəxs olduğu və bu səbəbdən də tez-tez ailədə söz-söhbət yarandığı bildirilir.
Xatırladaq ki, hadisə ötən axşam rayonun Aşağı Seyfəli kəndində baş verib. Kənd sakini 1961-ci il təvəllüdlü Vəliyev Vəli yaşadığı evi yandırıb. Hadisə zamanı onun 1966-ci il təvəllüdlü həyat yoldaşı Nüşabə Yaqubova, 1988-ci il təvəllüdlü oğlu Əkbər Vəliyev, 1988-ci il təvəllüdlü gəlini Nərgiz Vəliyeva və 4 yaşlı nəvəsi Banu xəsarət alaraq xəstəxanaya yerləşdiriliblər. V.Əkbər, V. Nərgiz və azyaşlı Banunun vəziyyəti ağır olduğu üçün Bakıda xəstəxanaya göndəriliblər.
Faktla bağlı Şəmkir rayon Prokurorluğunda araşdırma aparılır.