055 213 76 73
Tovuz rayonunda minaya düşən iki nəfərdən birinin ayağı amputasiya olunub.
BAKU.WS trend-ə istinadən xəbər verir ki, Tovuz rayon Mərkəzi Xəstəxanasından verilən məlumatda bildirilir ki, hadisə nəticəsində xəstəxanaya gətirilən mülki şəxs, 2004-cü il təvəllüdlü Hüseynov Elgün Fərid oğlunun sol ayağı amputasiya edilib.
Hazırda yaralı reanimasiya şöbəsindədir, vəziyyəti ağır sabitdir.
Hadisə nəticəsində ağır xasarət alan digər şəxs, 1994-cü il təvəllüdlü Mehdiyev Elşad Vidadi oğlu isə aşağı ətrafın çoxsaylı qəlpə yaraları ilə xəstəxananın cərrahiyyə şöbəsinə yerləşdirilib, vəziyyəti sabitdir.
Xatırladaq ki, Azərbaycan-Ermənistan qoşunlarının təmas xəttində, Tovuz rayonunun Əlibəyli kəndi ərazisində həmin kəndin sakinləri, 24 yaşlı Mehdiyev Elşad Vidadi oğlu və 14 yaşlı Hüseynov Elgün Fərid oğlu minaya düşərək ağır bədən xəsarətləri alıblar. Yaralılar Tovuz Rayon Mərkəzi Xəstəxanasına çatdırılıblar.
Hadisə kənd sakinləri heyvan otararkən baş verib.
BAKU.WS