055 213 76 73
Nardaranda oğurluqla məşğul olan dəstə zərərsizləşdirilib.
BAKU.WS Musavat.com-a istinadən bildirir tutulanlar arasında ata və oğul da var.
Sabunçu Rayon Polis İdarəsinin (RPİ) 42-ci Polis Bölməsi əməkdaşlarının keçirdiyi əməliyyat-axtarış tədbirləri nəticəsində Nardaran qəsəbəsi Bağlar massivində Bakı şəhər sakini Namiq Fərəcullayevə məxsus evdən 40 metr elektrik naqili, 1 ədəd elektrik cihazı və geyim əşyaları oğurlayan paytaxt sakinləri - Qəhrəman Quliyev, onun oğlu Əmrah, Hüseyn Əsədov və əvvəllər məhkum olunmuş Zahid Cəbrayılov tutularaq istintaqa təqdim ediliblər.
Aparılan araşdırmalar zamanı dəstə üzvlərinin Nardaran qəsəbəsində daha 2 mənzildən elektrik kabeli, habelə martın 22-nə keçən gecə fərdi yaşayış evindən 120 metr elektrik naqili oğurlamaları da müəyyən edilib.
Ümumilikdə saxlanılan şəxslərin qəsəbə ərazisində yeni tikilməkdə olan 15-ə yaxın həyət evindən oğurluq etdikləri məlum olub.
Qeyd edilən faktla bağlı Sabunçu RPİ-nin İstintaq Şöbəsində cinayət işi başlanıb, araşdırmalar davam etdirilir.
BAKU.WS