055 213 76 73
Qaxda yaşayış evində partlayış olub.
BAKU.WS APA-ya istinadla xəbər verir ki, hadisə bu gün səhər saatlarında rayonun Qıpçaq kəndində qeydə alınıb. Kənd sakini, 1956-cı il təvəllüdlü Narıngül İlham qızı Osmanova yaşadığı evdə qaz sobasını yandıran zaman anidən alovla müşahidə olunan partlayış baş verib.
Nəticədə Narıngül Osmanova və əri - 1937-ci il təvəllüdlü Hacı Məhəmməd oğlu Osmanov müxtəlif dərəcəli yanıq xəsarətləri alıblar.
Yaralılar Qax Rayon Mərkəzi Xəstəxanasına yerləşdiriliblər.
Tibb müəssisəsindən APA-ya bildirilib ki, yaralılara lazımi tibbi yardım göstərilib. Onların müayinə və müalicələrini davam etdirmək üçün Bakı şəhərindəki xəstəxanalardan birinə göndərilmələri nəzərdə tutulur.
Faktla bağlı araşdırma aparılır.
BAKU.WS