055 213 76 73
Mətbuatda REAL partiyasının sədri İlqar Məmmədovun saxlanılması ilə bağlı xəbərlər yayılıb. Daxili İşlər Nazirliyinin Mətbuat Xidmətinin rəisi Ehsan Zahidov yayılan xəbərlərə münasibət bildirib.
BAKU.WS xəbər verir ki, E.Zahidov “oxu.az”a açıqlamasında deyib:
“Bu gün MSK-nın binası önündə saat 15:00-a gözlənilən razılaşdırılmamış aksiyadan öncə REAL partiyasının sədri İlqar Məmmədovun, D18 hərəkatının rəhbəri Ruslan İzzətlinin və bir neçə fəalın polis tərəfindən saxlanılması barədə xəbərlər reallığı əks etdirmir, çünki hazıra qədər paytaxtdakı polis idarələrinə və bölmələrinə heç kəs gətirilməyib.
Ola bilər, profilaktiki tədbirlər zamanı kimlərsə polis əməkdaşları tərəfindən ərazidən uzaqlaşdırılıblar. Bu da onların saxlanılması anlamına gəlməməlidir.
Yeri gəlmişkən, xatırladım ki, dünən xəbər verdiyimiz kimi, razılaşdırılmamış istənilən aksiyanın baş tutmasına imkan verilməyəcək və qarşısı polis tərəfindən alınacaq”.