055 213 76 73
Bu gün saat 09:40 radələrində Saatlı-Becar mənzilində baş verən qəzadan görüntü ortaya çıxıb.
BAKU.WS-in əldə etdiyi görüntülərdən aydın olduğu kimi 54 BJ 612 nömrə nişanlı “Jiquli” markalı avtomobil tam yarasız vəziyyətə düşüb.
Avtomobilə ciddi ziyan dəyib.
Qeyd edək ki, Şirvandan İmişliyə gedən elektrovoz Saatlı-Becar mənzilinin 99-cu kilometrində hərəkətdə olarkən, 54 BJ 612 nömrə nişanlı “Jiquli” markalı avtomobil qorunmayan dəmir yolu keçidindən keçməyə cəhd göstərib.
Maşinist dərhal səs siqnalları verərək tormozlama aparsa da, məsafə az olduğundan avtomobil elektrovozla toqquşub. Nəticədə avtomobilin sürücüsü hadisə yerində dünyasını dəyişib. Ağır xəsarət alan sərnişin xəstəxanaya çatdırılsa da, onun həyatını xilas etmək mümkün olmayıb.
Qeyd olunub ki, hadisənin baş verməsinə səbəb avtomobilin sürücüsü tərəfindən Azərbaycan Respublikasının “Yol hərəkəti haqqında Qanunu”nun 44-cü maddəsinin tələblərinin pozulması olub. Baş vermiş hadisə aidiyyəti üzrə araşdırılır.