Paytaxtın Nərimanov rayonunda 3 avtomobilin iştirakı ilə yol nəqliyyat hadisəsi baş verib.

BAKU.WS
BakuTV-yə istinadən xəbər verir ki, qəza akademik Həsən Əliyev və Əliyar Əliyev küçələrinin kəsişməsində qeydə alınıb.

“KİA” markalı nəqliyyat vasitəsi idarəetməni itirib və əvvəlcə “Mercedes” markalı maşına, daha sonra “Kia Sportage” markalı digər avtomobilə çırpılıb.

Hadisə zamanı xəsarət alan olmayıb. Avtomobillərə ciddi ziyan dəyib.

Əraziyə yol polisləri cəlb edilib. Hadisənin dəqiq hansı səbəbdən baş verməsi araşdırılır.
BAKU.WS


VİDEO