SİZİN REKLAM BURADA!
055 213 76 73

Quba-Xaçmaz yolunda ölümlə nəticələnən yol-nəqliyyat hadisəsi törətməkdə təqsirləndirilən Ramil Seyidəhmədovun cinayət işi üzrə məhkəmə iclası başlayıb.

BAKU.WS “unikal.org”a istinadən xəbər verir ki, Bakı Ağır Cinayətlər Məhkəməsinin hakimi Rasim Sadıxovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Məhkəmənin baxış iclası avqustun 9-na təyin edilib.

Qeyd edək ki, hadisə bu il yanvarın 10-da Quba-Xaçmaz yolunun rayonun Zərdabi qəsəbəsi ərazisindən keçən hissəsində baş verib.

Belə ki, 40 BS 143 dövlət nömrə nişanlı “VAZ 21010” markalı avtomobil, 40 BL 944 dövlət nömrə nişanlı “Ford” markalı avtomobillə toqquşub.

Qəza nəticəsində Qasımov Coşqun Kamil oğlu və Abbasov Zakir Eldəniz oğlu, Tanrıverdiyev Nahid Teymur oğlu ölüb.

Xatırladaq ki, ölənlərdən Ç.Qasımov boks üzrə yeniyetmələr üzrə Azərbaycan çempionu olub.
BAKU.WS