055 213 76 73
Şəmkirdəki marketlərdən birində Ukrayna vətəndaşına məxsus içərisində pul və sənədlər olan pulqabı oğurlanıb.
Oğurluq hadisəsi mağazadakı müşahidə kameraları tərəfindən anbaan qeydə alınıb. Sənədləri oğurlanan həmin qadının vətəndaşı olduğu ölkəyə qayıtması üçün verilən müddət isə azalır.
Oğurluq hadisəsi bir neçə gün əvvəl Şəmkirdə törədilib. Əslən Gədəbəyin Xarxar kəndindən olan Ukrayna vətəndaşı Aygünə Musayeva Şəmkirdəki mağazalardan birində paltarlara baxarkən əl çantasından pulqabı götürülüb. Oğurluq hadisəsi mağazadakı müşahidə kameraları tərəfindən anbaan qeydə alınıb.
Hadisə ilə bağlı dərhal polisə məlumat verilib.
Aygünə Musayevanın vətəndaşı olduğu ölkəyə qayıtması üçün vaxtı da azalır.
Məsələ ilə bağlı Şəmkir polisindən "Xəzər Xəbər"ə bildirildi ki, hadisəni törədən şəxsin axtarışları davam etdirilir. Onun ən qısa müddətdə saxlanılaraq məsuliyyətə cəlb edilməsi üçün bütün lazımi tədbirlər görülür.
BAKU.WS