055 213 76 73
Şamaxıda minik avtomobili kəndin girişində yol nişanına çırpılıb, 4 nəfər xəsarət alıb.
ARB Şəki xəbər verir ki, hadisə Şamaxı-Pirqulu yolunun Məlhəm kəndi yaxınlığındakı hissəsində qeydə alınıb.
Hərəkətdə olan 90-HO-284 dövlət nömrə nişanlı “VAZ-2104” markalı avtomobil idarəetməni itirərək kəndin girəcəyindəki məlumat lövhəsinə çırpılıb.
Hadisə nəticəsində 4 nəfər, 28 yaşlı Şamaxı sakini, 22 yaşlı Qobustanın Təklə kənd sakini Samir Alışov, 21 yaşlı Sumqayıt sakini Pakizə Mustafayeva və 19 yaşlı Qaxın Tasmanlı kənd sakini Tavat Şitayeva xəsarət alıb.
Yaralılardan iki qızın vəziyyəti ağır olduğundan Bakı şəhərinə göndərilib.
Faktla bağlı araşdırma aparılır.