VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

 

Ötən gündən başlayaraq kütləvi informasiya vasitələrində Vergilər Nazirliyində dəyişiklik edilməsilə bağlı informasiyalar yayılıb.

BAKU.WS
-in məlumatıan görə, yayılan informasiyalarda deyilir ki, Azərbaycan prezidenti İlham Əliyevin sərəncamı ilə vergilər naziri Fazil Məmmədov işdən azad edilib. Prezident bu barədə sərəncamı G20 ("böyük iyirmilik”) ölkələri liderlərinin Antalya sammitinə yola düşməmişdən öncə imzalayıb.

Hətta vergilər naziri postuna yeni təyinat olması barədə məlumatlar da yazılıb. Qeyd edilir ki, yeni vergilər naziri Dövlət Sosial Müdafiə Fondunun sədri Elman Mehdiyev təyin olunub.

Məsələ ilə əlaqədar Dövlət Sosial Müdafiə Fondu ilə əlaqə saxladıq. Qurumdan BAKU.WS-ə bildirdilər ki, bu barədə yalnız mətbuatda gedən informasiyaları oxuyublar. Lakin dəyişiklik barədə rəsmi heç bir sənəd təqdim olunmayıb.

"Dövlət Sosial Müdafiə Fondunda adi iş rejimində çalışırlar. Sədr də yerindədir. Hələlik bir dəyişiklik yoxdur”, - deyə bildirilib.


Vergilər Nazirliyindən də BAKU.WS-ə bildirmişdilər ki, bu barədə onlarda da heç bir informasiya yoxdur: "Bizə belə bir məlumat daxil olmayıb. Fazil Məmmədov hazırda iş başındadır. Vergilər Nazirliyinin fəaliyyəti adı rejimdə davam edir”.


Qeyd edək ki, qanuna uyğun olaraq prezidentin sərəncamından sonra vəzifəli şəxs postundan çıxarılır. Hələlik nazirin çıxarılması ilə bağlı rəsmi sərəncamın olmaması da məlumatın dəqiq olmadığını düşünməyə əsas verir.  

Ziya Səccad

BAKU.WS