Türkiyə, Suriya, Səudiyyə Ərəbistanı, Küveyt və İraq-İran sərhədində hiss olunan 7,3 bal gücündə zəlzələ böyük tələfata səbəb olub.
BAKU.WS-in məlumatına görə, İranda və İraqda dünyasını dəyişənlərin sayı 200-dən çoxdur. Ən çox insan ölümü İranın Kirmanşah şəhərində qeydə alınıb.
Zəlzələ zamanı Serpol Zehap şəhərində dövlət xəstəxanası dağılıb. Yaralıların sayı hazırda ən azı 2 min nəfərdir. Hava işıqlandıqdan sonra çəkilmiş ilk şəkillər zəlzələnin törətdiyi fəsadları gözlər önünə sərib. İranda zəlzələnin 7.6 bal gücündə olduğu bildirilir.