“Ayıq sürücü” avtomobildən beş min manat oğurlayıb - VİDEO

 

BAKU.WS Xəzər TV-yə istinadən məlumat verir ki, hadisə Abşeron rayonu, Masazır qəsəbəsində baş verib.

Sumqayıtda restorandan çıxan bir nəfər ayıq sürücü xidmətindən istifadə edib.

Onu mənzilə gətirən sürücü isə həmin şəxsin içkili olmasından istifadə edib, avtomobildə olan 5 min manat məbləğində pulu oğurlayıb.

Oğurluqdan bir gün sonra xəbər tutan avtomobil sahibi dərhal polisə müraciət edib. O, həmçinin polisə oğurluq baş verən gün "ayıq sürücü” xidmətindən istifadə etdiyini deyib.

"İsti izlərlə” həmin şəxsin axtarışına düşən polis çox keçməyib ki, hadisəni törətməkdə şübhəli bilinən Nicat Kamalovu şübhəli saxlayıb. Saxlanılan şəxs ifadəsində oğurluğu törətdiyini etiraf edib.

O, pulun beş yüz manatını ehtiyacları üçün xərclədiyini bildirib.