055 213 76 73
Masallı rayonunda iki nəfərin ölümü ilə nəticələnən yol-nəqliyyat hadisəsi baş verib.
BAKU.WS ARB TV-yə istinadən xəbər verir ki, Beyləqan rayon sakini 37 yaşlı Mehdi Hüseynovun idarə etdiyi "Mersedes” markalı yük avtomobili ilə Masallının Xıl kənd sakini 29 yaşlı Elmin Bayramovun idarə etdiyi "VAZ” markalı avtomobil toqquşub.
Nəticədə "VAZ” markalı avtomobilin sürücüsü, Bayramov Elmin və anası 51 yaşlı Abbasova Reyhanə hadisə yerindəcə keçiniblər.
Onların cəsədləri sıxılmış avtomobildən FHN əməkdaşları tərəfindən çıxarılıb.
Qəza nəticəsində "VAZ”ın digər sərnişini ölən qadının 26 yaşlı oğlu Mahir Bayramov, "Mersedes” markalı minik avtomobilin sürücüsü 37 yaşlı Mehdi Hüseynov və sərnişini 36 yaşlı Bəhruz Qafarov müxtəlif dərəcəli bədən xəsarətləri alaraq Masallı rayon mərkəzi xəstəxanasına yerləşdiriliblər. Onlardan Mahir Bayramovun vəziyyətinin ağır olduğu deyilir.
BAKU.WS