055 213 76 73
Hava Nəqliyyatında Baş Gömrük İdarəsinin əməkdaşları 21 ədəd mobil telefonun qanunsuz yolla ölkə ərazisinə gətirilməsi cəhdinin qarşısını alıblar.
Dövlət Gömrük Komitəsinin mətbuat xidmətindən BAKU.WS-ə verilən məlumata görə, Heydər Əliyev Beynəlxalq Aeroportunda Dubay-Bakı aviareysi ilə gələn Azərbaycan Respublikasının vətəndaşı nəzarət zonasını "Yaşıl kanal”la keçmək istəyərkən hərəkətləri şübhə doğurduğu üçün saxlanılıb.
İlkin yoxlama zamanı həmin şəxs üzərindəki 3 ədəd "Samsung Galaxy J5” markalı mobil telefonu şalvarının arxa ciblərindən çıxararaq gömrük nəzarətinə təqdim edib. Sonra isə vətəndaş şəxsi yoxlamaya dəvət olunub. Bu zaman sözügedən şəxs gödəkçəsinin iç ciblərindən və gödəkçəsinin aşağı hissəsindən 17 ədəd "Samsung Galaxy J5” markalı mobil telefonu da çıxararaq təqdim edib.
Daha sonra vətəndaşın əl çantasının yoxlanılması zamanı oradan da 1ədəd "Iphone 7 Plus 128 GB” markalı mobil telefon aşkar olunub.
Faktla bağlı araşdırma aparılır.
Şahin Həbibov
BAKU.WS