VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

 
Bakıda 56 yaşlı qadın boğaz nahiyəsindən bıçaq xəsarətləri alıb.

"Report"un xəbərinə görə, hadisə Xəzər rayonu, Binə qəsəbəsi, "Yeni sahə" adlanan ərazidə baş verib.

Belə ki, 1960-ci il təvvəllüdlü Hüseynova Bəsti Kərim qızı münaqişə zəmnində kürəkəni tərəfindən boyun nahiyəsindən bıçaqlanıb. Ağır xəsarət alan B.Hüseynova xəstəxanaya çatdırılıb.

Qeyd edək ki, Bəsti Hüseynovanın qızı həyat yoldaşından 5 il əvvəl ayrılıb. Yenidən ailə həyatı qurmaq üçün ər arvadına barışıq təklifi edib. Lakin onların arasında mübahisə düşüb. Bu zaman ər öz arvadını bıçaqlamaq istəyib. Mübahisə zamanı kürəkəninin qızını bıçaqlayacağını görən B. Hüseynova onların arasına girib və nəticədə bıçaq qadına tuş gəlib.

Faktla bağlı araşdırma aparılır.
 
BAKU.WS