Bakıda şadlıq sarayında yanğın hadisəsi baş verib.
 
Fövqəladə Hallar Nazirliyindən BAKU.WS-ə verilən məlumata görə, hadisə Suraxanı rayonunda hər mərtəbəsi 1500 kv.m olan ikimərtəbəli şadlıq evində qeydə alınıb.
 
Belə ki, şadlıq sarayının mətbəxinin tüstü bacasının içində qalmış yağ qalıqları yanıb. Şadlıq evi yanğından mühafizə olunub.
 
Yanğın saat 20:10-da yanğınsöndürənlər tərəfindən söndürülüb.
 
BAKU.WS