VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

 
Tovuzda qurbanlıq qoyun ətindən zəhərlənmə ilə xəstəxanaya yerləşdirilən 7 nəfərdən 5-i evə buraxılıb.

BAKU.WS bildirir ki, bu barədə Trend-ə Tovuz Rayon Mərkəzi Xəstəxanasından məlumat verilib.

Məlumata görə, xəstələrdən 5 nəfərin vəziyyəti tam normallaşdığından onlar evə yazılıblar. Hazırda xəstəxanada 2 nəfər stasionar müalicə alır.

Xatırladaq ki, avqustun 1-də Tovuz rayonunun Azaflı kəndində qurban ətindən zəhərlənmə hadisəsi baş vermişdi. Hadisə nəticəsində 12 nəfər kənd sakini zəhərlənmə ilə Tovuz Rayon Mərkəzi Xəstəxanasına müraciət edib. Xəstələrdən 5 nəfərə ilkin tibbi yardım göstərildikdən sonra ambulator müalicəyə buraxılsa da, 7 nəfər - 1994-cü il təvəllüdlü Musayeva Lalə Nizami qızı, 2013-cü il təvəllüdlü Abdullayev Ömər Qabil oğlu, 1981-ci il təvəllüdlü Həsənova Samirə Məhəmmədəli qızı, 1995-ci il təvəllüdlü Musayev Rövşən Nizami oğlu, 1996-cı il təvəllüdlü Hüseynov Hikmət Mehman oğlu, 1975-ci il təvəllüdlü Əhmədova Zərifə Valeh qızı xəstəxananın infeksiya şöbəsinə yerləşdirilib.
 
BAKU.WS