055 213 76 73
Xalq artisti Murad Dadaşovun aparıcısı olduğu “Maşın Şou”nun 17-ci sürətinin ikinci yarış günü baş tutub.
BAKU.WS-in məlumatına görə, “Hind kinosu” adlanan yarışmada əməkdar artist Ruhəngiz Allahverdiyeva təsadüfən əlini maşından çəkdiyindən qaydalara görə şoudan kənarlaşdırılıb. Meyxanaçı Oqtay Kamil isə dünən Sərxən Kərəmoğlu tərəfinən uzaqlaşdırıldığından maşın uğrunda mübarizədə 16 iştirakçı qalıb.
İştirakçılar bu gün şairə Nazilə Səfərlini SMS səsverməsinə çıxarıblar. Şairə xanım dostlarının ələnmə günü olduğunu deyərək onlardan səs istəyib.
O, hədəfinin kim olacağını açıqlamasa da, efirə verilən sujetdən nazilə Səfərlinin aktyor Allahverdi Yolçuyevi hədəf gördüyü bəlli olub. Amma Murad Dadaşovun onların ailə dostu olduğunu açıqlaması bunun planlaşdırılmış oyun olması barədə şübhələrə səbəb olub. Nazilə Səfərli də etiraf edib ki, anası Allahverdi Yolçuyevin şudan kənarlaşdırılmasını istəməyib. "Anama zəng elədim, dedi ki, adam da qonşusunu çıxarar".
Şairə xanımın əsl hədəfinin isə irəliləyən dəqiqələrdə bəlli olacaq.
50,72 faiz səs toplayan Nazilə Səfərli isə bütün iştirakçılarla mübarizədə özünü Anakonda adlandıraraq heç kəsin xətrinə dəymədi. O, bu gün təsadüfən də olsa oyunu bir nəfər - Ruhəngiz Allahverdiyeva şounu tərk etdiyinə görə, heç kəsi çıxarmadı.
Xatırladaq ki, yarışmada Nazilə Səfərli (şairə), Ramin Nabran (müğənni), Mina Hüseyn (müğənni), Xose Bernardo (aparıcı), Ranar Musayev (aparıcı), Xəyalə Quliyeva (aktrisa), Aysel Nazim (aktrisa), Nərgiz Əliyeva (aktrisa), Sərxan Kərəmoğlu (müğənni), Allahverdi Yolçuyev (aktyor), Aydan Axundzadə (aparıcı), Samir Cavadzadə (müğənni), Dilarə Kazımava (müğənni), Səmra Rəhimli (müğənni), Taleh Yüzbəyov (vayner), Mənsur Şərif (vayner) mübarizə aparır.
BAKU.WS