055 213 76 73
Azərbaycan Beynəlxalq Bankı aprelin əvvəlində Ermənistan silahlı birləşmələrinin təxribatlarının qarşısının alınması zamanı şəhid olmuş hərbçilərimizin kredit borclarını ləğv edib.
Bankdan BAKU.WS-ə daxil olan məlumatda bildirilir ki, araşdırmaların nəticələrinə əsasən, bu şəxslərdən hər hansı birinin Banka kredit borcunun olması müəyyənləşdiyi halda borc öhdəliyi bağlanıb. Araşdırmalar və kredit öhdəliklərinin ləğvi şəhid hərbçilərimizin ailə üzvlərinin müvafiq bank filiallarına fərdi müraciətləri əsasında aparılıb.
Azərbaycan Beynəlxalq Bankı ölkəmizin müstəqilliyi və ərazi bütövlüyü uğrunda şəhid olmuş bütün vətəndaşlarımıza rəhmət diləyir, yaralılarımızın tezliklə sağalaraq Vətənə şərəfli xidmətlərini davam etdirmələrini arzulayır.
BAKU.WS