VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən


Azərbaycanda 8-ci sinif Azərbaycan dili dərsliyində vulqar ifadələrin işləndiyi mətn üzərində dəyişiklik edilib.

BAKU.WS BakuPost-a istinadən xəbər verir ki, Təhsil Nazirliyindən bildirilib ki, dəyişiklik dərslinin yeni nəşr edilən variantlarında tətbiq edilib.

"Dilçilərin iştirakı ilə qeyd edilən məsələ geniş müzakirə olunub və dərslikdəki mətnin problemli olmadığı bildirilib. Aparılan müzakirələrdə, verilən müxtəlif açıqlamalarda dilçilər və pedaqoqlar bildiriblər ki, şagirdlər dildə vulqarizmin olduğunu da bilməlidirlər. Dərslikdə vulqar ifadələrin yerləşdirilməsində məqsəd isə şagirdlərin tərbiyəsini pozmaq və yaxud qeyri-etik ifadələr öyrətmək deyil, belə sözləri başqa ifadələrdən fərqləndirməyi bacarmağı şagirdlərə aşılamaqdır. Burada şagirdlərə nəyinsə təbliğ edilməsindən söhbət gedə bilməz.

Bununla yanaşı onu da bildiririk ki, məsələnin elmi müstəvidən, şagirdə verə biləcəyi faydadan çox digər müstəvilərdə izah edilmə cəhdlərinin qarşısının alınması məqsədilə dərsliyin yeni nəşr edilən variantlarında qeyd edilən mətn üzərində dəyişiklik edilib”.

Qeyd edək ki, 8-ci sinif Azərbaycan dili dərsliyində "nadayet eləmə”, "qırıl”, "dibil" və s. kimi vulqar ifadələrin işləndiyi mətnin olması narazılığa səbəb olub. Kazım Əliyev adlı valideyn övladının kitabdan öyrəndiyi bu kimi ifadələri evdə də işlətdiyini, irad bildirdikdə isə kitabdan oxuduğunu söylədiyini deyib.

BAKU.WS