SİZİN REKLAM BURADA!
055 213 76 73

İqtisadiyyat naziri Mikayıl Cabbarov İqtisadi Əməkdaşlıq və İnkişaf Təşkilatının (İƏİT) və Dünya Bankının ölkəmizdə səfərdə olan nümayəndələri ilə görüşüb.

Tərəflər İƏİT və Dünya Bankının “Azərbaycan İnvestisiya Holdinqi və onun portfelində olan dövlət müəssisələrində korporativ idarəetmənin təhlili” üzrə birgə layihəsi, dövlətə məxsus müəssisələrin özəlləşdirilməsi və bu istiqamətdə görülən tədbirlər, korporativ idarəetmənin təkmilləşdirilməsi və bu xüsusda digər islahat prioritetləri barədə fikir mübadiləsi aparıblar.

Eyni zamanda, görüşdə Azərbaycanda qeyri-neft sektorunun inkişafı, iqtisadi diversifikasiya, investisiyaların təşviqi və biznes mühitinin davamlı olaraq yaxşılaşdırılması istiqamətində həyata keçirilən tədbirlər və əldə olunan nəticələr barədə məlumat verilib.

***14:45

Azərbaycanın iqtisadiyyat naziri Mikayıl Cabbarov İqtisadi Əməkdaşlıq və İnkişaf Təşkilatı (OECD) və Dünya Bankının nümayəndələri ilə görüşüb.

BAKU.WS xəbər verir ki, bu barədə nazir “X” sosial şəbəkə hesabında yazıb.

“İqtisadi Əməkdaşlıq və İnkişaf Təşkilatının və Dünya Bankının nümayəndələri ilə görüşdə qurumlarla əməkdaşlıq çərçivəsində görülən işlər, ölkəmizdə həyata keçirilən iqtisadi islahatlar və dövlət müəssisələrinin fəaliyyətinin təkmilləşdirilməsi tədbirləri barədə fikir mübadiləsi apardıq”, - deyə nazir qeyd edib.

BAKU.WS