ABŞ-ı indi də fırtına “vurdu” - Ölənlər var

Koronavirus səbəbindən həyatın iflic olduğu ABŞ-da indi də fırtına başlayıb.

BAKU.WS CNN Türk-ə istinadən xəbər verir ki, qasırğa 5 ştatda dağıntılara səbəb olub.

Evlərin və iş yerlərinin damı uçub, güclü leysan yağışlarına görə küçələri sel basıb. Bir sıra yaşayış məntəqələri isə işıqsız qalıb.

Fırtına Oklahoma, Texas və Luizana ştatlarında ümumilikdə 7 nəfərin ölümünə səbəb olub. Güclü külək və yağışın bu gün Mississippi, Alabama və Florida ştatlarında özünü göstərəcəyi bildirilib.

Qeyd edək ki, aprel ayında ABŞ-da baş verən fırtınalarda ümumilikdə ölü sayı 41-ə çatıb.