055 213 76 73
Ermənistan ordusunun zabiti kapitan S.Karapetyan öz əsgərini güllələyib.
Oxu.Az-ın məlumatına görə, bu barədə Ermənistanın İstintaq Komitəsinin mətbuat xidməti məlumat yayıb.
İstintaq müəyyən edib ki, qətl günü Karapetyan sərxoş olub. Zabit səbəbsiz yerə havaya güllə atıb. İlk hadisə saat 18:00-da baş verib. Üç saat sonra yenə təkrarlanıb.
Zabit saat 22:50-də isə əsgər Darbinyanın əlindən avtomatını alaraq ora-bura atəş açmağa başlayıb. Nəticədə bir neçə metr aralıda dayanan müqaviləli hərbçi Ovannes Melkonyan aldığı güllə yarasından ölüb.
Zabitə qarşı Cinayət Məcəlləsinin üç maddəsi üzrə cinayət işi açılıb.
Hazırda istintaq davam edir.
BAKU.WS