055 213 76 73
Rusiyanın Ukraynanın Vinnitsa şəhərini raket atəşinə tutması nəticəsində ölənlərin sayı 3-ü uşaq olmaqla 20 nəfərə çatıb.
BAKU.WS "RBK-Ukraine"yə istinadən xəbər verir ki, bu barədə Ukraynanın Baş Prokurorluğu məlumat yayıb.
Bildirilib ki, 100-ə yaxın sakin yaralanıb.
Vinnitsa Regional Prokurorluğunun rəhbərliyi altında “qəsdən adam öldürmə”, “müharibə qanunlarının və adətlərinin pozulması” maddələri üzrə cinayət işi başlayıb.
Məlumata görə, Rusiya şəhərə "Kalibr" raketləri atıb.
***14:22
Rusiya Ukraynanın Vinnitsa şəhərini raket atəşinə tutub.
BAKU.WS "RBK-Ukraine"yə istinadən xəbər verir ki, bu barədə Ukrayna Dövlət Fövqəladə Hallar üzrə Xidmətindən bildirilib.
Məlumata görə, nəticədə 12 nəfər ölüb, 30 nəfər yaralanıb.
Xilasedicilərin məlumatına əsasən, raket 9 mərtəbəli Yubiley məişət evinin yaxınlığına düşüb. Raket hücumu nəticəsində 25 avtomobil yanıb. Hadisə yerində 90 xilasedici fəaliyyət göstərir.
Məlumata görə, ölənlər dinc sakinlərdir. Onların arasında uşaq da var.
