055 213 76 73
İşğalçı Ermənistan ordusu Dağlıq Qarabağda mövqelərini itirməkdə davam edir. Azərbaycan Ordusunun əks həmlələri nəticəsində işğal altında olan ərazilər hər gün azad olunur, düşmənin hərbi texnikaları və canlı qüvvəsi məhv edilir.
BAKU.WS xəbər verir ki, bu günədək Ermənistan tərəfinin açıqladığı itkilərin sayı 1119 nəfərə çatıb.
Onlar arasında həm çağırışçılar, həm də müqavilə əsasında və ehtiyatdan çağırılan hərbçilər var. Reallıqda bu rəqəmlər göstəriləndən dəfələrlə çoxdur. Bunu Dağlıq Qarabağda Rusiya KİV-lərinə müsahibə verən ermənilər də təsdiqləyib.
Ermənistan ordusunun acı məğlubiyyəti ermənilər arasında ordudan yayınma hallarına gətirib çıxarıb. Artıq Ermənistan ərazisində yaşayan ermənilər müxtəlif yollarla müharibədə iştirakdan yayınır və orduda xidmət etmək istəmirlər.
Ermənistan rəhbərliyi ordu sıralarında yaranan əsgər çatışmazlığını aradan qaldırmaq üçün yaşlı qadınların xidmətindən istifadə etməyə başlayıb. Belə ki, "Associated Press" agentliyinin hazırladığı reportajda Dağlıq Qarabağda döyüşmək üçün yaşlı qadınların təlimlərə qatılması öz əksini tapıb. İşğalçı ordunun yaşlı qadınların ümidinə qalması Ermənistanın düşdüyü vəziyyəti açıq şəkildə ortaya qoyub.
Erməni gənclər arasında ordudan yayınmaq halları, ön xətdə ölməmək üçün zabitlərlə əlbəyaxaya çıxmaq kadrları və nəhayət işğalçı ordunun əksər hərbi texnika, RƏM sistemi, silah-sursat anbarlarının məhv edilməsi İrəvanın məğlubiyyətinin bariz nümunəsidir.
BAKU.WS
