055 213 76 73
Azərbaycan Milli Ordusunun Dağlıq Qarabağ ərazisində apardığı işğaldan azadetmə əmliyyatları uğurla davam edir. Ordumuz bu gün daha 24 kənd və Zəngilan şəhərini Ermənistanın tapdağından azad edib.
BAKU.WS xəbər verir ki, Füzuli, Cəbrayıl, Xocavəndin ardınca Zəngilan rayonunun kəndləri də işğaldan azad edilməyə başlayıb.
Ordumuzun sentyabrın 27-dən bu yana apardığı uğurlu əməliyyatlar zamanı düşmən tərəfi 772 hərbçisini itirdiyini etiraf edib. Lakin reallıqda bu rəqəmlər açıqlanandan dəfələrlə çoxdur.
Məhz bunun nəticəsidir ki, Ermənistanda ordu sıralarına yaşlı, ahıl və qadınlar daxil edilməyə başlanılıb. Düşmən işğalçı missiyasını yerinə yetirmək üçün məhz bu tip ermənilərin xidmətindən istifadə edir. Təqdim olunan şəkillər də Ermənistan ordusunda xidmətə aparan qoca ermənilərin nə qədər solğun və ümidsiz olmalarını ortaya qoyub.
Ermənistan hakimiyyətinin çirkin və işğalçı siyasətinin qurbanına çevrilən bu ermənilər cəbhə boyu əks hücumlarda məhv olurlar. Bunun məsuliyyəti isə məhz Baş nazir Nikol Paşinyan hakimiyyətinin üzərinə düşür. Ermənistanın olmayan iqtisadiyyatını məhv edən, işğal altında olan torpaqlardan qoşunların çıxarılması barədə göstəriş vermək istəməyən, nəhayət, erməni xalqına bu ağır vəziyyəti yaşadan məhz Paşinyan hakimiyyətinin zalımlığı, qəddarlığı və müharibə istəyidir.
BAKU.WS
