SİZİN REKLAM BURADA!
055 213 76 73
Bu gün Xocalı Soyqırımının 27-ci ildönümü ilə əlaqədar keçiriləcək bir sıra tədbirlərlə bağlı bir çox yollarda avtomobillərin hərəkəti məhdudlaşdırılıb.
BAKU.WS xəbər verir ki, bu səbəbdən də, şəhərin əksər yollarında böyük tıxaclar yaranıb.
Qeyd edək ki, Neftçilər, Xocalı prospektləri, Yusif Səfərov, Nəcəfqulu Rəfiyev və bu istiqamətdə kəsişən və ya paralel olan küçə və prospektlərdə bütün avtomobillərin hərəkəti məhdudlaşdırılıb.
Eləcə də Niyazi, Teymur Elçin, Lermontov, Şeyx Şamil, İstiqlaliyyət, 10-cu park, Mehdi Hüseyn küçələri də daxil olmaqla, 10-cu zavod dairəsindən Babək prospektinin Nəcəfqulu Rəfiyev küçəsilə kəsişməsindən Heydər Əliyev Mərkəzinin yanından,
Xətai prospekti – Dəmirçizadə küçəsi kəsişməsindən, həmçinin Ağaoğlu, Təbriz, Koroğlu Rəhimov və Səməd Vurğun, Üzeyir Hacıbəyov, Xaqani, Puşkin, 28 May, R.Zorge, K.Səfərəliyeva, Fikrət Əmirov küçələri, Azadlıq,
Bülbül, Rəşid Behbudov prospektlərindən səhər saat 07:00-dan tədbir tam başa çatanadək hərəkətin istiqamətinin dəyişdirilməsi planlaşdırılıb. Həmçinin Hava limanı istiqamətindən cənub tərəfdən 3-cü kənar dairəvi yolla, şimal tərəfdən isə Balaxanı, Zabrat yolu ilə hərəkət tənzimlənir.
Ziya SƏCCAD
BAKU.WS
