055 213 76 73
Bu ilin dekabr ayında dolların kəskin bahalaşacağı gözlənilir.
BAKU.WS xəbər verir ki, ABŞ-ın Mərkəzi Bankının (FED) Açıq Bazar Komitəsinin bugünkü toplantısında faiz artımına getməsi ehtimalı 16 faiz təşkil edir.
Müddətli müqavilələrə görə səlahiyyətlilərin 2016-ci ilin sonuna qədər faiz artımına getmə ehtimalı, iyun ayından bu yana ən yüksək, təxminən 70 faiz səviyyəsinə çatıb.
Bu il dekabrın 13-14-də FED-in daha bir toplantısı olacaq.
Qeyd edək ki, son günlər dollar Azərbaycan milli valyutası qarşısında möhkəmlənməyə davam edir. ABŞ-ın milli valyutası olan dolların məzənnəsi noyabrın 1-i ilə müqayisədə bu gün 0,67% artaraq 1,6490 manat təşkil edib.
Avro da manata nisbətən bahalaşıb. Avrozonanın vahid valyutası 1,64% möhkəmlənərək 1,8254 manat olub.
Rəsmi məzənnəyə əsasən, 1 ingilis funt sterlinqi 2,0186 manatdır. Beləliklə, funt sterlinq 0,76%-lik artım nümayiş etdirib.
Azər Məmmədov